Jaho karaleŭskaja vysokaść Čarlz, prync Uelski, razam z žonkaj Kamiłaj, hiercahiniaj Karnuolskaj, majuć namier na nastupnym tydni naviedać Biełaviežskuju pušču — reliktavy pieršabytny les na miažy Polščy i Biełarusi. Naviedajuć jany Pušču pa polski bok miažy.
Ahienctva cytuje adnu z pradstaŭnic kiraŭnictva sumiežnaha ź Biełaruśsiu Padlašskaha vajavodstva Polščy Jołantu Hadek.
Pavodle jaje słoŭ, prync Čarlz i jaho žonka vykazali žadańnie ŭbačyć «biełaviežskich zubroŭ u ich unikalnym pryrodnym asiarodździ». Jany daŭno čuli pra hety ŭnikalny pieršabytny les, jaki ŭ dahistaryčnyja časy raspaściraŭsia na ŭsiu Jeŭropu, a ciapier zachavaŭsia tolki na biełaruska‑polskaj miažy, u Biełaviežskim rehijonie. Tut žyvie i samaja vialikaja ŭ śviecie papulacyja zubroŭ (kala 450 z polskaha boku i 350 — ź biełaruskaha). Jany — radnia amierykanskim bizonam i znachodziacca pad pahrozaj źniknieńnia.
Pradstaŭniki karaleŭskaj dynastyi taksama majuć naviedać i nievialikuju viosku na polska‑biełaruskaj miažy — Krušyniany. Tut žyvuć naščadki tataraŭ, jakija apynulisia ŭ hetych miaścinach pry kancy 17 stahodździa. Prynca i jaho žonku cikavić, jak adčuvaje siabie tatarskaja mienšaść, karennaje musulmanskaje nasielnictva ŭ krainie, dzie pieravažajuć rymska‑katalickija tradycyi.
