Viarchoŭnaja Rada. Fota: RBK-Ukraina
Siońnia Viarchoŭnaja Rada pryniała zakonaprajekt ab mabilizacyi niekatorych katehoryj źniavolenych. Pra heta paviedamlaje RBK-Ukraina.
Pavodle vynikaŭ hałasavańnia:
«za» prahałasavali 279 narodnych deputataŭ;
«suprać» — 0;
«ustrymalisia» — 40.
Mabilizavacca z turmy nie zmohuć:
- deputaty;
- častka top-karupcyjanieraŭ;
- vinavatyja ŭ ciažkich złačynstvach. Havorka idzie, naprykład, pra zabojstvy, zhvałtavańni.
Zakonaprajekt praduhledžvaje mabilizacyju, a taksama vajskovuju słužbu pa kantrakcie źniavolenym padčas vajennaha stanovišča.
U tym ža liku zakonaprajekt praduhledžvaje ŭmoŭna-daterminovaje vyzvaleńnie ad adbyćcia pakarańnia, adpaviedna, z nastupnaj słužbaj pa kantrakcie. Kab mabilizavacca, akramia žadańnia asudžanaha, nieabchodna i rašeńnie suda.
Zhodna z zakonaprajektam, takim čynam mohuć pryzvać da 26 tysiač čałaviek, a taksama 50 tysiač tych, chto ŭžo adbyŭ pakarańnie.
U Rasii źniavolenym možna było zapisacca na vajnu va Ukrainie faktyčna adrazu paśla pačatku poŭnamaštabnaha ŭvarvańnia. Pryčym spačatku vierbavali tolki ŭ PVK «Vahnier», a potym pačali adpraŭlać niepasredna ŭ rasijskija vojski va Ukrainie.
Čytajcie taksama:
Namieśnik kiraŭnika HUR: Ukraina nie zmoža pieramahčy Rasiju tolki na poli boju
Litva śledam za Polščaj hatova dapamahčy Ukrainie viarnuć mužčyn pryzyŭnoha ŭzrostu
MZS Ukrainy daručyła ŭsim konsulstvam prypynić akazańnie konsulskich pasłuh dla mužčyn 18—60 hadoŭ
