Hitanas Naŭsieda bałatujecca na druhi termin. Fota: «Naša Niva»
Da pačatku zboru podpisaŭ ich CVK rekamiendavaŭ kandydatam sabrać chacia b na 10% podpisaŭ bolš, čym patrabujecca, pakolki praktyka pakazvaje, što nie ŭsie zapisy ŭdajecca pračytać. Usiaho podpisy sabrali 12 kandydataŭ. Try kandydaty nie nabrali 20000 podpisaŭ, a adzin sabraŭ, ale źniaŭ svaju kandydaturu z vybaraŭ.
Podpisy astatnich vaśmi kandydataŭ pravieryŭ Hałoŭvybarkam.
Prezident Hitanas Naŭsieda nabraŭ 36 584 podpisy, premjer Inhryda Šymanicie 33 701, viadomy advakat Ihnas Viehiele — 34 172, juryst, pravaznaŭca, były staršynia Kanstytucyjnaha suda Dajnius Žalimas — 22 156, doktar Eduardas Vajtkus — 30 080, inžynier, namieśnik staršyni Siejma Andrus Mazuronis — 20 225, były čynoŭnik NATA Hiedrymas Jehlinskas — 22 890, palityk Remihijus Žamajtajcis — 24 972.
Prezidenckija vybary ŭ Litvie adbuducca 12 maja 2024 hoda.
U prezidenckich vybarach u 2019 hodzie brali ŭdzieł dzieviać kandydataŭ. U pieršym tury tahačasny vykładčyk Mižnarodnaj škoły škoły biznesu Vilenskaha ŭniviersiteta Hitanas Naŭsieda nabraŭ 30,95% hałasoŭ, tahačasnaja deputat Siejma Inhryda Šymanicie — 31,15%, a premjer Saŭlus Skviarnialis — 19,7%.
U druhim tury Naŭsieda atrymaŭ 65,86%, Šymanicie — 32,86%.
Čytajcie taksama:
U Litvie prezidenta abvinavacili ŭ parušeńni prysiahi i suviaziach ź biełaruskim biznesam
Prezident Litvy pavinšavaŭ narod Biełarusi z Dniom Voli
Ministram abarony Litvy staŭ viadomy prychilnik abmiežavańniaŭ suprać biełarusaŭ
