Ilustracyjnaje fota Mindaugas Kulbis / AP
Asnoŭnuju hrupu ŭpraŭleńnia štaba 45-j bryhady Lietuva (Litva) składuć bolš za 20 niamieckich sałdat. Razam z sałdatami ŭ paniadziełak u Vilniu prybudzie kamandujučy suchaputnymi vojskami Uzbrojenych sił Niamieččyny Alfons Majs.
Pieršyja sałdaty, jakija prybyli ŭ Litvu, pasielacca ŭ Vilni i buduć adkazvać za płanavańnie pierakidańnie bryhady ŭ Litvu i ŭzhadnieńnie patrabavańniaŭ da vajskovaj infrastruktury. Da kanca hoda asnoŭny elemient štaba budzie adkazvać i za dapamohu ŭ pierakidcy niamieckich sałdat u Litvu.
Niamieččyna maje namier raźmiaścić u Litvie ciažkuju bryhadu z tryma manieŭranymi bataljonami i ŭsimi nieabchodnymi srodkami, uklučajučy padraździaleńni bajavoha zabieśpiačeńnia.
Bryhada budzie składacca ź isnujučych i novych sfarmavanych padraździaleńniaŭ.
U Litvu buduć pierakinutyja 203-i tankavy bataljon ź ziamli Paŭnočny Rejn-Viestfalija i 122-i braniatankavy piachotny bataljon z Bavaryi. Bajavaja hrupa pieradavych sił, jakaja znachodzicca ciapier u Litvie, budzie pieratvorana ŭ šmatnacyjanalny bataljon i stanie nieadjemnaj častkaj bryhady.
Čakajecca, što ŭ Litvu budzie pierakinuta kala 5 tysiač niamieckich sałdat i cyvilnych, niekatoryja ź ich pryjeduć sa svaimi siemjami. Budzie dva miescy słužby — palihon u Rudninkaj (za 20 km ad biełaruskaj miažy) i Rukła (na paŭnočny ŭschod ad Kaŭnasa)
Google.maps
Sałdaty i ich siemji buduć žyć u Vilni i Kaŭnasie, a punkty łahistyčnaha zabieśpiačeńnia buduć stvoranyja i ŭ inšych častkach Litvy.
Uletku 2022 hoda Hiermanija ŭziała na siabie abaviazacielstva raźmiaścić u Litvie vajskovuju častku pamieram z bryhadu — takoje pahadnieńnie praduhledžana ŭ kamiunikie, padpisanym Ołafam Šolcam i prezidentam Hitanasam Naŭsiedam. Płanujecca, što asnoŭnaja častka bryhady budzie pierakinutaja da 2026 hoda.
Sa słoŭ ministra abarony Niamieččyny Barysa Pistoryusa, bryhada vyjdzie na poŭnuju bajavuju hatoŭnaść u 2027 hodzie.
Čytajcie taksama:
U litoŭskaj vioscy znachodziŭsia centr utrymańnia pad vartaj CRU
Mark Rute: Miaža Bałtyi z Rasijaj i Biełaruśsiu zjaŭlajecca našaj kalektyŭnaj miažoj
