Tort King Cake. Krynica: Instagram / king.cake_classic
Kožny słoj torta zapiakajuć na adkrytym ahni asobna — takim čynam robicca da 20 słajoŭ. Zachoŭvacca łasunak moža da 30 sutak. Dla ŭpakoŭki vykarystoŭvajuć ekałahičnyja materyjały na asnovie celułozy.
Pradukuje tort pad brendam King Cake pradpryjemstva «Biełkandytar». Kupić jaho ciapier možna ŭ hrodzienskim handlovym domie «Batoryja». Kiłahramovy tort kaštuje 38,19 rubla. Płanujecca, što takija torty buduć pradavać i ŭ inšych handlovych sietkach horada.
Tort King Cake u kramie «Batoryja». Krynica: Instagram / king.cake_classic
Takoha typu tort — charakterny dla Hrodzienščyny. U Litvie jon nazyvajecca šakocis, u Polščy senkač, a na Hrodzienščynie jość svoj anałah — bankucha, jakuju vyrablajuć u Śvisłackim rajonie. U 2019 hodzie tort bankuchu ŭpisali ŭ śpis niemateryjalnaj kulturnaj spadčyny Biełarusi.
Čytajcie taksama:
Na «Minskchlebpramie» stali rabić litoŭskija šakocisy
