Fota: Ng Han Guan / AP
Anonsy pakazaŭ pasłańnia Uładzimira Pucinu Fiederalnamu schodu, jakoje pavinna adbycca 29 lutaha, raźmiaścili na svaich sajtach kinateatry z 21 horada. Hetyja zały źviazany adna z adnoj ahulnymi ŭładalnikami.
Adzin z ułaśnikaŭ, jak vyśvietliła «Ahienctva», — deputat Dziaržschodu Maryj Eł ad «Adzinaj Rasii», člen pieradvybarnaj «Kamandy Pucina» Vasil Bačkaroŭ. U hutarcy z «Ahienctvam» jon nazvaŭ hetyja pakazy «ahulnadziaržaŭnym mierapryjemstvam».
Pieršym na anonsy pramoj linii ŭ kinateatrach źviarnuła ŭvahu vydańnie «7ch7», jakoje paviedamiła, što kinapakaz pasłańnia Pucina budzie ŭ Piermi. Paźniej «Mieduza» ŭdakładniła, što pakazy projduć u kinateatrach sietki «Siniema 5» u 17 rehijonach Rasii.
Nasamreč, hieahrafija pakazaŭ jašče šyrejšaja. Jak vyśvietliła «Ahienctva», pakazy projduć jak minimum u 21 horadzie, u tym liku ŭ Maskvie, a taksama Chabaraŭsku, Samary, Čabaksarach.
Kiraŭnik adździeła kamunikacyj «Siniema 5» Arciom Paŭłoŭski paćvierdziŭ, što ŭ strukturu sietki ŭvachodziać i kinateatry inšych brendaŭ. Jon udakładniŭ, što pakaz pasłańnia pravodzicca biaspłatna, vyklučna pa inicyjatyvie sietki. Na pytańnie, ci źviazany ŭłady z hetymi pakazami, pijar-mieniedžar adkazaŭ admoŭna.
Čytajcie taksama:
Pamiłavany Pucinym za ŭdzieł u vajnie hvałtaŭnik zatrymany za hvałt nad 14-hadovaj školnicaj
Pachavańnie Navalnaha ŭłady vyrašyli pravieści ŭ adzin dzień sa zvarotam Pucina
Piaskoŭ: Pucin nie maje dačynieńnia da šantažu maci Navalnaha
