Uładzimir Zialenski i Emanuel Makron. Fota: AP Photo/Thibault Camus, Pool
Lidary kala 20 jeŭrapiejskich krain źbiarucca ŭ paniadziełak u Paryžy, kab abmierkavać umacavańnie zachodniaj padtrymki Ukrainy, paviedamlaje Bi-bi-si.
Jak zajaviŭ žurnalistam pradstaŭnik prezidenta Francyi Emanuela Makrona, sustreča stanie mahčymaściu «paćvierdzić adzinstva i rašučaść u baraćbie z ahresijaj z boku Rasii».
«My žadajem pasłać Pucinu vielmi vyrazny sihnał, što jon nie pieramoža va Ukrainie», — skazaŭ daradca francuzskaha prezidenta.
U kanfierencyi, jakaja adkryjecca videazvarotam prezidenta Ukrainy Uładzimira Zielanskaha, voźmuć udzieł kancler Niamieččyny Ołaf Šolc, ministr zamiežnych spraŭ Brytanii Devid Kemieran, premjer-ministr Ispanii Piedra Sančes, premjer-ministr Niderłandaŭ Mark Rute, a taksama lidary skandynaŭskich i bałtyjskich krain.
ZŠA budzie pradstaŭlać pamočnik dziaržsakratara pa spravach Jeŭropy i Jeŭrazii Džym O'Brajan, a Kanadu — ministr abarony Bił Błer.
U siaredzinie lutaha francuzski prezident Emanuel Makron i ŭkrainski lidar Uładzimir Zialenski na sustrečy ŭ Paryžy padpisali dvuchbakovaje pahadnieńnie ab harantyjach biaśpieki dla Ukrainy.
Čytajcie taksama:
Zialenski ŭpieršyniu nazvaŭ kolkaść zahinułych ukrainskich vajskoŭcaŭ
Zialenski pra pravał kontrnastupu: płany Ukrainy byli na stale ŭ Kramli jašče da pačatku
Zialenski ŭ druhuju hadavinu poŭnamaštabnaha ŭvarvańnia zapisaŭ zvarot z Hastomiela
