Dźmitryj u lipieni 2018 hoda ŭziaŭ kredyt na budaŭnictva doma na ahulnych padstavach. U kastryčniku 2023-ha całkam jaho pahasiŭ i źviarnuŭsia pa daviedku, jakaja paćviardžaje hety fakt. U banku jon daviedaŭsia, što pierapłaciŭ pa kredycie 6,91 rubla. Ale nie staŭ daryć nazvanuju sumu banku i vyrašyŭ spahnać ź jaho hrošy za karystańnie jaho srodkami na praciahu niekalkich miesiacaŭ. Čym usio skončyłasia, raspaviadaje Onliner.by.
— Ja sam vypadkova daviedaŭsia pra pierapłaty, atrymlivajecca, bank karystajecca maimi hrašyma. Napisaŭ zajavu na viartańnie srodkaŭ, ale hrošy za piać dzion tak i nie pastupili, choć było abiacana na nastupny bankaŭski dzień, — raspaviadaje čytač.
Zatym jon napisaŭ skarhu ŭ Nacbank, paśla čaho ŭ banku, dzie jamu vydali kredyt, prapanavali ŭrehulavać situacyju.
— Mnie telefanavali i prapanavali ŭrehulavać situacyju asabista, sustrecca dla pieradačy hrošaj i adklikać skarhu. Ale ja i tak patraciŭ bolš za piać hadzin asabistaha času ŭ čerhach u adździaleńni na zapaŭnieńnie papier pa hetaj prablemie, a jechać za 40 kiłamietraŭ u Minsk, kab mnie najaŭnymi addali mienš za 20 kapiejek?
U vyniku Dźmitryj atrymaŭ nie tolki 6,91 rubla za pierapłatu,
ale i pracenty za karystańnie jaho srodkami z 25 kastryčnika 2023 hoda pa 22 studzienia 2024 hoda ŭ pamiery 16 kapiejek.
Suma choć i śmiešnaja, ale mužčyna rady, što abaraniŭ svaje pravy pierad bankam.
Taksama bank paviedamiŭ, što «śpiecyjalistam, jakija ažyćciaŭlajuć supravadžeńnie kredytnych damovaŭ, ukazana na abaviazkovaść svoječasovaha ŭrehulavańnia z kredytaatrymalnikami ŭsich niestandartnych situacyj i pryniaćcia mier reahavańnia, a taksama infarmacyja ab niesvoječasovym infarmavańni vas ab najaŭnaj pierapłacie pa kredycie budzie ŭličanaja pry padviadzieńni vynikaŭ pracy za spravazdačny pieryjad», — havorycca ŭ adkazie Nacbanka.
Čytajcie taksama:
Dziaŭčyna chacieła abyhrać kazino. Jana ŭlezła ŭ sumnieŭnuju spravu i straciła $1234
U QIWI Banka adklikali licenziju ŭ Rasii. Ci budzie pracavać servis płaciažoŭ u Biełarusi
