Vilnia ŭzimku. Fota: Wikimedia Commons
Tekst lista apublikavaŭ partał Delfi. List napisany na litoŭskaj movie, ale pa kolkaści pamyłak vidać, što tekst byŭ miechanična pierakładzieny ź inšaj movy prahramaj.
«Pavažanyja siabry Siejma! Da vas źviartajucca biełarusy, jakija nie žyvuć u siabie na radzimie, nie padtrymlivajuć dziejnuju ŭładu Biełarusi, nie padtrymlivajuć Cichanoŭskuju i jaje prychilnikaŭ. My zaŭsiody z pavahaj stavilisia da našych susiedziaŭ (ukraincaŭ, palakaŭ, litoŭcaŭ i łatyšoŭ). Ciapier palityka ŭ dačynieńni da biełarusaŭ, jakija žyvuć u Litvie, nieprymalnaja.
Vy, napeŭna, zabyli historyju, tamu nahadvajem, što ŭ XIX stahodździ ŭ 56% žycharoŭ Vilenskaha kraju rodnaj movaj była biełaruskaja, a ŭ 17% — litoŭskaja mova. Na pačatku XX stahodździa Vilnia była centram biełaruskaha nacyjanalnaha adradžeńnia. Tuju ž rolu jana adyhrała i dla litoŭcaŭ».
U liście havorycca, što «ŭ 1918 hodzie, kali była abvieščana niezaležnaść Biełaruskaj Narodnaj Respubliki, u jaje była ŭklučana i Vilnia». Aŭtary lista havorać, što sami parłamientaryi pavinny pamiatać histaryčnyja fakty i «pravilna aceńvać rašeńni, jakija jany prymajuć u dačynieńni da biełarusaŭ».
«Chočam vas papiaredzić, što nas šmat i ŭ nas užo jość bajavyja navyki. Kali vaš urad praciahnie pravodzić ahresiŭnuju palityku ŭ dačynieńni da biełarusaŭ, abiacajem, vy pra heta paškadujecie.
U Litvie i za jaje miežami jość našy bajavyja braty, jakija mohuć dapamahčy viarnuć Vilniu Biełarusi, kali ŭźniknie vialikaja nieabchodnaść.
Nam spatrebicca abjadnać sotni tysiač biełarusaŭ dla abarony intaresaŭ nacyi».
Departamient dziaržaŭnaj biaśpieki Litvy ličyć, što hetyja listy rassyłajucca pradstaŭnikami śpiecsłužbaŭ Łukašenki.
U vieraśni 2023 hoda niekatoryja deputaty ŭžo atrymlivali listy z pahrozami, napisanymi ad imia byccam by biełaruskaha bataljona «Teror». U im zhadvałasia rašeńnie litoŭskich uładaŭ nie pradastaŭlać palityčny prytułak Volzie Karač. Bataljon svaju datyčnaść da taho lista adrazu abvierh.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
Sud u Litvie pryznaŭ zakonnaj admovu Volzie Karač u palityčnym prytułku
U sacsietkach źjaviłasia novaje videa, jakoje maje na mecie pasvaryć litoŭcaŭ i biełarusaŭ
Dyskusija ab «litviniźmie». Što rabić ź biełaruskaj pierśpiektyvy?
