Fota: Elmedia
Z terytoryi Univiersiteta abarony demantavali pomnik Nursułtanu Nazarbajevu. Orda.kz paćvierdzili, što manumienta ciapier sapraŭdy tam niama.
Prajści na terytoryju VNU nie ŭdałosia, la ŭvachoda ŭstalavany šłahbaum, dzie dziažurać achoŭniki. Pakolki ŭniviersitet źjaŭlajecca stratehičnym vajennym abjektam, praviadzieńnie fota– i videazdymki zabaroniena, rastłumačyli pradstaŭniki ŭstanovy.
Adnak u Ministerstvie abarony ŭžo prakamientavali znos pomnika:
«Zahadam ministra abarony najmieńnie «Nacyjanalny ŭniviersitet abarony imia pieršaha prezidenta RK — Jełbasy» było źmieniena na «Nacyjanalny ŭniviersitet abarony Respubliki Kazachstan». U suviazi z čym było pryniata rašeńnie pieramiaścić i ŭstalavać pomnik, jaki byŭ raźmieščany na terytoryi Nacyjanalnaha ŭniviersiteta abarony, u budynak Dziaržaŭnaha vajenna-histaryčnaha muzieja Uzbrojenych sił RK».
Nacyjanalny ŭniviersitet abarony — vyšejšaja vajskova-navučalnaja ŭstanova, jakaja viadzie padrychtoŭku aficerskaha składu dla Uzbrojenych sił Kazachstana i inšych dziaržaŭnych orhanaŭ. Univiersitet pačaŭ pracavać u 2003 hodzie pa ŭkazie Nursułtana Nazarbajeva. Imia pieršaha prezidenta VNU atrymała ŭ 2018 hodzie.
