Fota z sajtu realt.by
Kali vy choć by raz zaharali na plažy ŭ Drazdach, to, chutčej za ŭsio, prachodzili paŭz biełaruskuju rezidencyju znakamitaj tenisistki. Prastorny katedž staić, jak napisali b na bukinhu, na pieršaj bierahavoj linii. Ź jaho bałkonaŭ možna lubavacca vadaschoviščam. Nad učastkam (24 sotki), utojenym ad cikaŭnych pohladaŭ płotam, ź luboŭju pracavali łandšaftnyja dyzajniery.
Fota z sajtu realt.by
Fota z sajtu realt.by
Ahulnaja płošča dvuchpaviarchovaha katedža — kala 475 kvadrataŭ, žyłaja — 279,5. «Vykanany ramont z vysakajakasnych i darahich materyjałaŭ!» — chvalić abjekt ahienctva nieruchomaści. Z hetym składana spračacca: choć za dziesiać hadoŭ ramont maralna sastareŭ, i za niejkija interjernyja rašeńnie mohuć vyśmiejać u tyktoku, adnak toje, što na materyjałach nie ekanomili, vidać adrazu. Usia mebla i santechnika italjanskaj i niamieckaj vytvorčaści premiŭm-siehmienta — nie patryjatyčna, viadoma, ale jakasna i nadziejna.
Fota z sajtu realt.by
U domie šeść spalniaŭ, dva sanvuzły i vialiki vanny pakoj. Paznačana, što kožny pakoj maje svoj ułasny styl. Jość, naprykład, pakoj sa špalerami ŭ ružy na ŭsiu ścianu i paduškami-ružami ŭ łožku. Praduhledžany asobny pakoj z džakuzi i biljardny pakoj. Samo saboj, vysakachutkasny internet, videanazirańnie, sihnalizacyja, vialiki haraž.
Fota z sajtu realt.by
Fota z sajtu realt.by
Fota z sajtu realt.by
Fota z sajtu realt.by
Na adnym z fotazdymkaŭ možna pabačyć i były pakoj syna Viktoryi Azaranka — tam zastalisia kałyska, kamoda z spavivalnym stolikam, litary Leo na ścianie i navat fotazdymki chłopčyka (ich zabluryli). Zachavałasia šmat cacak, jakija bolš padychodziać dla dekoru, čym dla dziciačych hulniaŭ.
Pakoj Lea. Fota z sajtu realt.by
Darečy, padčas ciažarnaści ŭ 2016 hodzie Viktoryja davoli časta byvała ŭ Minsku razam sa svaim kachankam i baćkam budučaha dziciaci Biłam MakKiham. Toj navat udzielničaŭ u čempijanacie Minska pa chakiei z šajbaj siarod amatarskich kamand — hulaŭ za kamandu «Drakony», a lehiendarnaja tenisistka prychodziła za jaho zaŭzieć.
Pakoj Lea. Fota z sajtu realt.by
U 2017 hodzie ŭ pary naradziŭsia Lea Alaksandr — u svaje čatyry miesiacy chłopčyk atrymaŭ biełaruski pašpart (amierykanski jamu taksama zrabili). Ale nieŭzabavie ŭ siamji pačalisia prablemy — Viktoryja razyšłasia z bojfrendam, a potym jany doŭha sudzilisia za apieku nad synam. Ale kali Lea padros, jon pryjazdžaŭ razam z mamaj u Biełaruś.
Fota z sajtu realt.by
Košt arendy «raskidanaha hniazda» Viktoryi Azaranka, kaniečnie, uražvaje. Na sajcie paznačana, što za miesiac patencyjalnamu arandataru treba budzie addać $6500 — prykładna 20 tysiač 791 rubiel. Ale ž bonusam iduć i vip-susiedzi: pobač stajać damy miljaniera Alaksandra Šakucina i eks-bijatłanista Siarhieja Bułyhina. Trochi dalej abžylisia byłaja staršynia Nacbanka Nadzieja Jermakova i były hienieralny prakuror Alaksandr Kaniuk.
Azaranka šukaje taho, chto hatovy arandavać dom na praciahły termin.
Fota z sajtu realt.by
Miž inšym, «załatuju» ziamlu ŭ adnym z samych elitnych rajonaŭ stalicy spartoŭka atrymała absalutna biaspłatna. U 2011 hodzie Minski haradski vykanaŭčy kamitet vydzieliŭ joj učastak. U toj čas Łukašenka lubiŭ daryć nieruchomaść ci ziamlu najbolš paśpiachovym spartoŭcam. Naprykład, u tym ža hodzie bijatłanistka Darja Domračava atrymała ŭčastak na bierazie Minskaha mora ŭ vioscy Łaparavičy. U Drazdach ža ŭ roznyja hady ziamlu padaryli frystajlistam Antonu Kušniru i Alaksieju Hryšynu, płyŭčysie Alaksandry Hierasimieni (praŭda, paśla 2020 hoda zabrali), chakieistu Rusłanu Saleju dy inšym.
Čytajcie taksama:
«Jak ružy z sała». U Drazdach źniali pryhožuju pryrodnuju źjavu
Były pamočnik Łukašenki pradaje dom u Drazdach. Suma ŭražvaje, interjery nie asabliva
Pa susiedstvie z čynoŭnikami i miljanierami. Jakija katedžy pradajuć u Drazdach
