Šeście ŭ Vilni 9 žniŭnia 2023 hoda, pryśviečanaje trecim uhodkam prezidenckich vybaraŭ. Fota: «Novy čas»
Masavy prytok u Litvu hramadzian susiedniaj Biełarusi pahražaje źjaŭleńniem piataj kałony. Pra heta ŭ efiry radyjostancyi Ziniu radijas zajaviŭ daradca prezidenta Litvy Frederyk Jansonas.
«Ź miesiaca ŭ miesiac u Litvu ź Biełarusi prybyvajuć tysiačy i tysiačy novych žycharoŭ. Patencyjna my stvarajem dla siabie surjoznuju prablemu, farmirujecca patencyjnaja piataja kałona», — skazaŭ jon.
Pa słovach daradcy, pra isnavańnie takoj pahrozy rehularna paviedamlaje Departamient dziaržbiaśpieki.
«Na praciahu hoda ŭ Litvu ź Biełarusi prybyvajuć ad 17 tys. da 20 tys. asob, pierakanańniaŭ jakich my prosta nie viedajem», — śćviardžaŭ pradstaŭnik ofisa prezidenta
Siarod hramadzian Biełarusi, jakija prymajucca Litvoj, pieravažajuć dźvie katehoryi: pradstaŭniki biełaruskaj niezaležnaj hramadskaści i hastarbajtery, jakija zaprašajucca litoŭskimi pracadaŭcami ŭ ramkach adviedzienych kvot.
Čytajcie taksama:
Žonka akciora Uładasa Bahdonasa musiła pakinuć Litvu z-za prablem z DNŽ. Jana hramadzianka Biełarusi
Siamju ŭciekačoŭ ź Biełarusi ŭłady Litvy vyvieźli ŭ Polšču. Čamu tak adbyłosia
Siejm Litvy ŭchvaliŭ papraŭki, jakija dazvolać biełarusam atrymlivać dazvoł na žycharstva na 3 hady
