«Nadvorje čakajecca niaŭstojlivym, nie abydziecca i bieź niespryjalnych i niebiaśpiečnych zjaŭ nadvorja», — papiaredziŭ Rabaŭ u efiry telekanała ONT.
Pavodle infarmacyi sinoptyka, Biełaruś adkryłasia dla ciopłych pavievaŭ z Atłantyki ŭ kancy adychodziačaha tydnia — było dastatkova ciopła dla hetaj pary hoda.
Upłyŭ Atłantyki budzie pa-raniejšamu adčuvacca — a heta aznačaje syroje, zołkaje nadvorje ź vietram. Siaredniaja tempieratura čakajecca na 3-5°S vyšejšaj za normu.
U pačatku tydnia čarhovy atłantyčny cykłon pryniasie vobłačnaje nadvorje i apadki ŭ vyhladzie śniehu, mokraha śniehu, daždžu. Tempieratura budzie plusavoj.
Što tyčycca 30 i 31 śniežnia, to ŭnačy pa paŭnočnym uschodzie čakajecca -3, pa paŭdniovym zachadzie da +3.
U siaredzinie dnia ŭ subotu ad + 1 da +6 hradusaŭ, u niadzielu ad +1 da + 4, miarkuje sinoptyk.
