Uładzimir Arłoŭ. Fota: «Naša Niva»
Adzin z samych viadomych i papularnych sučasnych biełaruskich piśmieńnikaŭ Uładzimir Arłoŭ uznaharodžany štohadovaj premijaj maršałka Padlašskaha vajavodstva za dasiahnieńni ŭ halinie mastackaj tvorčaści dy pašyreńnia kultury. Premija ŭručana za dasiahnieńni ŭ halinie prozy i paezii, paviedamlaje sajt Kamunikat.org.
Rašeńnie ab pryznańni sioletnich uznaharodaŭ było pryniataje na pasiedžańni praŭleńnia Padlašskaha vajavodstva 15 listapada.
«Hetyja ŭznaharody — pryznańnie padlašskaj miascovaj ułady, naš sposab ušanavańnia i padziaki tym tvorcam, jakija spryjajuć raźvićciu i achovie kultury našaha kraju», — skazaŭ maršałak Padlašskaha vajavodstva Artur Kasicki.
Uładzimir Arłoŭ — adzin z samych viadomych i papularnych sučasnych biełaruskich piśmieńnikaŭ. Historyk, aŭtar niekalkich dziasiatkaŭ knih mastackaj i dakumientalnaj prozy, vieršaŭ i eseistyki.
Za apošnija dva hady fond Kamunikat.org vydaŭ u Biełastoku bolš za 10 jaho knih Uładzimira Arłova. Z prezientacyjaj hetych knih aŭtar naviedaŭ amal 20 haradoŭ u Polščy, Niamieččynie, Italii i Litvie.
Čytajcie taksama:
Vyjšła z druku kniha Siarhieja Chareŭskaha pra Minsk u mastactvie