Vyśvietliłasia, što mužčyna ŭvieś dzień vypivaŭ, a kali ałkahol skončyŭsia, adpraviŭsia «pa dabaŭku». Razam ź im u ałkatryp adpraviłasia i jaho siamja: žonka i dzieci va ŭzroście 3, 6 i 12 hadoŭ, jakija, darečy, pieravozilisia bieź dziciačych utrymlivalnych pryład, paviedamlajuć «Mocnyja naviny».
Usie piaciora paciarpieli ŭ avaryi: dvoje atrymali ciažkija cialesnyja paškodžańni, siarod ich — 3-hadovaje dzicia. Kancentracyja etyłavaha śpirtu ŭ kryvi kiraŭnika siamiejstva skłała nie mienš za 2,58 pramile.
Mužčynu pakarali čatyrma hadami z pazbaŭleńniem prava zajmacca dziejnaściu, źviazanaj z kiravańniem usimi vidami transpartnych srodkaŭ, na termin 8 hadoŭ. Taksama jaho prymusova buduć lačyć ad ałkahalizmu.
Ale i na hetym historyja nie skončyłasia. Prakuratura vyrašyła bolš detalova pravieryć, u jakich umovach rastuć dzieci. Akazałasia, što baćki ŭžo traplali ŭ pole zroku adpaviednych orhanaŭ. Niepaŭnaletnich dziaciej pryznali jak tych, chto znachodzicca ŭ sacyjalna niebiaśpiečnym stanoviščy, siamja pastaŭlena na kantrol i ź joj pravodziacca prafiłaktyčnyja mierapryjemstvy.
Čytajcie taksama:
«Jon prosta sini ŭžo». U Viciebsku padčas treš-strymu pamior čałaviek
U Baranavičach mužčyna pabiŭ žančynu z-za taho, što jana doŭha była ŭ prybiralni
Pjanaja maci jechała pa dziaciej i ŭčyniła DTZ. U jaje kryvi było 3,4 pramile
