Dom znachodzicca ŭ Tarasavie, što na zachad ad Minska, u reśpiektabielnaj sučasnaj zabudovie.
Pabudavany pa indyvidualnym architekturnym prajekcie ŭ sučasnym styli, z łakaničnym fasadam i płoskim dacham.
U abjavie havorycca, što dom pabudavany z kieramzitabietonnych błokaŭ «Termakamfort» šyrynioj 400 mm, fasad vientylavany, dach płoski (pakryćcio — biasšvovaja palimiernaja miembrana Hyperdesmo). Vokny — aluminijevy profil Alutech z multyfunkcyjanalnymi škłopakietami Guardian SunGuard Silver Grey.
Na pieršym paviersie raźmieščana vialikaja kuchnia-stałovaja (37,8 m2), prastornaja haścioŭnia (82,6 m2) z vychadam na terasu, haścioŭnia-spalnia z sanvuzłom i terasaj.
Z hetaha ŭzroŭniu možna trapić u SPA-zonu z basiejnam 10×3,6 mietra (hłybinia 1,5 m) i finskaj saunaj z panaramnym vidam na ŭčastak.
Na druhim paviersie raźmieščany majstar-spalnia na 41,6 m2 ź vialikaj harderobnaj, vialikim vannym pakojem i piersanalnaj terasaj na dachu.
Plus jašče try spalni mienšych pamieraŭ, ale kožnaja ź ich maje hardierobnuju i sanvuzieł. Pad domam znachodzicca padvalny pavierch, u jakim raźmiaščajucca pamiaškańnie dla prańnia adzieńnia, topačnaja, techničnaje i dapamožnaje pamiaškańni, sanvuzieł.
Interjer sučasny, ź jakasnym azdableńniem i darahoj meblaj na zakaz. Na pieršym i cokalnym pavierchach vykładzienaja padłohavaja šyrokafarmatnaja plitka, na druhim paviersie — parkietnaja doška Coswick.
Prystupki leśvicy vykanany z duba. Ścieny pafarbavanyja ŭ dymčata-šery koler. Dom abstalavany pa najvyšejšym razradzie: ubudavanaja technika Bosch, santechnika Grohe, abstalavańnie dla sauny i chamama — SAWO (Finlandyja).
Inžyniernaje abstalavańnie taksama na ŭzroŭni. Naprykład, u topačnych ustanoŭleny hazavyja katły Viessmann (kłas enierhaefiektyŭnaści «A»), jakija pracujuć u pary ź sistemaj padłohavaha aciapleńnia z aŭtamatyzacyjaj Tece (Niamieččyna) i aluminijevymi radyjatarami Kermi FTV. Vada padajecca z ułasnaj śvidraviny, kanalizacyja miascovaja — bijastancyja.
Taksama dom abstalavany sistemaj vientylacyi i kandycyjanavańnia. Realizavana sistema aktyŭnaj małankaachovy, majecca videanazirańnie. Pamier učastka — 13,4 sotki.
Terytoryja abharodžanaja vysokim mietaličnym płotam. Učastak dobraŭparadkavany pa prafiesijnym prajekcie łandšaftnaha dyzajnu.
Voś, ułasna, usio heta i acanili ŭ 2,7 miljona dalaraŭ.
Čytajcie taksama:
Kali lepš nabyvać damok na vioscy i jakija jość varyjanty?
Były pamočnik Łukašenki pradaje dom u Drazdach. Suma ŭražvaje, interjery nie asabliva
