Śpis relizaŭ na listapad 2023 hod skłaŭ telehram-kanał amataraŭ videahulniaŭ «Biełaruski hiejmier». Siarod najbolš vartych uvahi prajektaŭ adznačajuć hulni «RoboCop: Rogue City», «My Time at Sandrock», jakaja pakidaje rańni dostup, «Call of Duty: Modern Warfare III» i «The Talos Principle 2», ale heta daloka nie ŭsio.
Silent Hill: Ascension («Sajlent Chił: Uźniasieńnie») — kampjutarnaja hulnia ŭ žanry psichałahičnaha «vyžyvańnia ŭ kašmary», jakuju raspracavali kanadskaja studyja Behaviour Interactive i amierykanskija kampanii Genvid, Bad Robot i dj2 Entertainment, užo vyjšła 1 listapada. Heta adhalinavańnie asnoŭnaj liniejki hulniaŭ sieryi Silent Hill, stvoranaje ŭ vyhladzie interaktyŭnaha sieryjała, u jaki možna hulać praz braŭzier na iOS i Android.
This Bed We Made («Łožak, jaki my zasłali») — heta hulnia-detektyŭ ad treciaj asoby, raspracavanaja studyjaj Lowbirth Games, taksama vychodzić 1 listapada na płatformach PC, Xbox One, Xbox Series, PlayStation 4, PlayStation 5. Heta detektyŭnaja hulnia ad treciaj asoby, u jakoj vy hulajecie za pakajoŭku ŭ hateli 1950-ch hadoŭ i «šnyparycie» pa pakojach nieznajomcaŭ, kab raskryć ich śmiarotnyja tajamnicy. Daviedajciesia, što abjadnoŭvaje haściej u hetaj historyi pra kachańnie, hora i zabojstva!
RoboCop: Rogue City («Rabakop: horad prajdziśvietaŭ») — šutar ad pieršaj asoby, raspracavany studyjaj Teyon, vychodzić 2 listapada na płatformach PC, Xbox Series, PlayStation 5. Zvyčajnaje vydańnie budzie kaštavać $39.99, a Alex Murphy Edition (Aleks Miorfi – imia čałavieka, pieratvoranaha ŭ Rabakopa) — $49.99. Stańcie kultavym čałaviekam, častkova mašynaj, ale całkam palicyjantam-hierojem, sprabujučy viarnuć spraviadlivaść na niebiaśpiečnyja, achoplenyja kryminałam vulicy Staroha Detrojta!
The Talos Principle 2 («Pryncyp Tałasa 2») — kampjutarnaja hulnia ŭ žanry fiłasofskaj hałavałomki ad pieršaj asoby, raspracavanaja studyjaj Croteam, vyjdzie 2 listapada na płatformach PC, Xbox Series, PlayStation 4, PlayStation 5. Cana hulni składzie $14.49. Hałavałomka, jakaja nie raz prymusić vas zadumacca, šmat u čym raźvivaje fiłasofskija temy pieršaj hulni i prapanuje niamała cudoŭnych uzroŭniaŭ ź vielmi niaprostymi zahadkami.
Thirsty Suitors («Prahnyja žanichi») — pryhodnickaja videahulnia, raspracavanaja studyjaj Outerloop Games, vychodzić 2 listapada na płatformach PC, Xbox One, Xbox Series, PlayStation 4, PlayStation 5, Nintendo Switch. Prahnyja žanichi iduć za Džałaj, kali jana viartajecca dadomu na viasielle svajoj siastry, i joj davodzicca sutykacca z usim, ad čaho jana źbiehła. Ci zmoža Džała palubić siabie i vylečycca ad traŭmaŭ minułaha? Thirsty Suitors — heta stylnaja siužetnaja pryhoda. Ustupajcie ŭ pakrokavyja bitvy, katajciesia na skiejtach, pastupova daviedvajučysia historyju.
My Time at Sandrock («Moj čas u Sandroku») — pryhodnickaja rolevaja hulnia ŭ postapakaliptyčnym śviecie ad studyi Pathea vychodzić 2 listapada na płatformach PC, Xbox One, Xbox Series, PlayStation 4, PlayStation 5 i Nintendo Switch. Adpraŭlajciesia ŭ pustynnaje pasielišča Sandrok i vaźmicie na siabie rolu budaŭnika-pačatkoŭca. Vykarystoŭvajcie svoj nadziejny nabor instrumientaŭ, kab źbirać resursy, budavać mašyny i pieratvaryć svaju staruju majsterniu ŭ dobra zładžanuju vytvorčaść, jakaja zmoža vyratavać horad ad ekanamičnaha krachu.
For The King II — praciah znakamitaj i papularnaj pakrokavaj nastolnaj RPH, jakija pryniata nazyvać «rahalikami», raspracavanaja studyjaj IronOak Games, vyjdzie na PC 2 listapada. Cana hulni składaje $14.99. Vajujcie suprać karalevy Faruła ŭ adzinočku abo ŭ składzie hrupy z čatyroch hulcoŭ, kab razhadać žachlivuju tajamnicu kaliści ŭsimi lubimaj karalevy.
Quantum Error ad studyi TeamKill Media LLC vyjdzie 3 listapada na płatformie PlayStation 5. Hulnia budzie niedastupnaja na terytoryi Biełarusi. Siužet Quantum Error raspaviadaje, jak u 2109 hodzie nieviadomaja sutnaść atakuje daśledčy kompleks karparacyi Monad za 30 mil ad uźbiarežža Kalifornii. I ŭ pažarnuju słužbu San-Francyska pastupaje sihnał biedstva z prośbaj ab dapamozie. Na vyklik adpraŭlajecca kamanda na čale z kapitanam Džejkabam Tomasam — hałoŭnym hierojem hulni.
The Invincible («Niepieramožny») — pryhodnickaja videahulnia, raspracavanaja studyjaj Starward Industries na asnovie polskaha ramana «Niepieramožny» Stanisłava Lema, vydadzienaha ŭ 1964 hodzie. Hulnia vyjdzie 6 listapada na płatformach PC, Xbox Series, PlayStation 5. Zadumajciesia ab pieravazie ludziej u The Invincible — fiłasofskim siužetnym vandravańni pa fantastyčnym atampankavym śviecie Lema. Daśledujcie płanietu Rehis III u pošukach svajho ekipaža, spraŭlajciesia z pahrozami i prymajcie važnyja rašeńni.
Stronghold: Definitive Edition — pieravydańnie kłasičnaj stratehii z palepšanaj hrafikaj, hulniavym pracesam i Steam-multypłejeram, jakoje vyjdzie na PC 7 listapada. «Vitajem vas, sir! Vaša krepaść čakaje vas». Raźvivajcie svaje ziemli i biarycie ŭ abłohi zamki kałarytnych sapiernikaŭ u «simulatary zamka», jaki zakłaŭ asnovy žanru.
Like a Dragon Gaiden («Jak cmok Hajden») — videahulnia ŭ žanry pryhodnickaha bajevika, raspracavanaja Ryu Ga Gotoku Studio, vyjdzie 8 listapada na płatformach PC, Xbox One, Xbox Series, PlayStation 4, PlayStation 5, ale budzie niedastupnaj na terytoryi Biełarusi. Cana hulni składzie $49.99. Śpin-of sieryi Like a Dragon, dziejańnie jakoha adbyvajecca pamiž padziejami šostaj, siomaj i vośmaj častak. Stvarycie svajo minułaje dziela abarony budučyni. Kadzuma Kiru insceniravaŭ svaju hibiel i admoviŭsia ad imia, kab abaranić blizkich. Jon znoŭ akazvajecca ŭciahnuty ŭ kanflikt — niechta sprabuje raskryć jaho tajamnicu.
Dungeons 4 («Padziamielli 4») vyjdzie 9 listapada na płatformach PC, Xbox Series, PlayStation 5, Nintendo Switch. Cana hulni składzie $35.99. Absalutnaje Zło i viernaja (ci nie vielmi) jamu ciomnaja elfijka Talija viartajucca paśla lehiendarnych padziej papiaredniaj častki. Jany hatovy znoŭ atrymać pieramohu nad siłami dabra. Fentezijnaja stratehija Dungeons 4 adpravić vas budavać padziamielli i siejać chaos na Ziamli.
Call of Duty: Modern Warfare III — kampjutarnaja hulnia ŭ žanry šutara ad pieršaj asoby, vośmaja hulnia ŭ sieryi Call of Duty pabačyć śviet 10 listapada na płatformach PC, Xbox One, Xbox Series, PlayStation 4, PlayStation 5. Hulnia była raspracavana kampanijaj Infinity Ward sumiesna sa studyjami Sledgehammer Games i Raven Software. Cana hulni składzie $69.99, ale na terytoryi Biełarusi jana budzie niedastupnaj. U pramym praciahu hulni Call of Duty: Modern Warfare II kapitan Prajs i ATH-141 iznoŭ supraćstajać najvialikšaj pahrozie.
The Last Faith («Apošniaja viera») — biazbožny sajuz žanraŭ mietrajdvanija i soŭłsłajk. Hulnia vyjdzie 15 listapada na płatformach PC, Xbox One, Xbox Series, PlayStation 4, PlayStation 5, Nintendo Switch. Klučavoj asablivaściu The Last Faith słužać bieskampramisnyja bitvy, jakija patrabujuć idealnaj dakładnaści, ź vielizarnaj kolkaściu dabivalnych pryjomaŭ.
American Arcadia, raspracavanaja studyjaj Out of the Blue Games, vyjdzie 15 listapada na PC. Maleńki čałaviek suprać samaha papularnaha realici-šou ŭ śviecie. American Arcadia — heta zachaplalnaja historyja vyzvaleńnia, jakaja ŭdała spałučaje ŭ sabie elemienty 2.5D-płatformiera i paŭnavartasnaj trochmiernaj hulni ad treciaj asoby.
Flashback 2 — navukova-fantastyčny ekšen-płatformier ad studyi Microids Studio Lyon vyjdzie 16 listapada na płatformach PC, Xbox One, Xbox Series, PlayStation 4, PlayStation 5, Nintendo Switch. Cana hulni składzie $24.99. Hulnia dazvolić akunucca ŭ niebiaśpiečny śviet kibierpanku, dzie los čałaviectva lipić na pavucincy. Morfy rychtujucca nanieści apošni ŭdar i zaniavolić usie cyvilizacyi Soniečnaj sistemy — i tolki vy možacie dać vorahu adpor.
Assassin's Creed Nexus VR, raspracavanaja kampanijaj Ubisoft, budzie dastupnaja na harniturach-akularach sieryi Meta Quest 16 listapada. Adyhrajcie klučavuju rolu ŭ historyi ŭ hetaj novaj pryhodzie, stvoranaj u znakamitym suśviecie «Assassin's Creed» tolki dla virtualnaj realnaści. Hulnia, na žal, taksama nie budzie dastupnaj na terytoryi Biełarusi.
Super Mario RPG dla płatformy Nintendo Switch vyjdzie 17 listapada. Cana hulni składzie až $59.99. Heta całkam abnoŭlenaja i palepšanaja viersija prajekta Super Mario RPG 1996 hoda, vydadzienaj dla SNES, raspracavanaja kampanijaj Square (ciapier Square Enix). Hulnia raskazvaje ab supraćstajańni Marya i Śmici, jaki trapiŭ u čužy śviet i skraŭ siem častak Zornaj darohi.
Gangs of Sherwood («Bandy Šervuda») — ekšen-hulnia dla niekalkich hulcoŭ, dziejańnie jakoj adbyvajecca ŭ pieraasensavanym suśviecie Robina Huda. Hulnia vyjdzie ŭ kancy miesiaca, 30 listapada na płatformach PC, Xbox Series, PlayStation 5. Cana zvyčajnaha vydańnia składzie $29.99, a vydańnia «Lvinaje serca» (Lionheart Edition) — $39.99. Vam daviadziecca pazmahacca z vojskam šeryfa Notynhiema, uznačaliŭšy paŭstańnie ŭ adzinočku abo z tryma inšymi hulcami. Hulajcie za adnaho z bandy rabaŭnikoŭ, kambinujcie ataki i viadzicie ludziej da svabody ŭ hetaj futurystyčnaj antyŭtopii pa matyvach lehiendy pra Robina Huda.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
Čały pajšoŭ u Bramu Bałdura. Hetuju hulniu fanaty čakali amal 20 hadoŭ
Wargaming źbiraje hrošy na padtrymku Ukrainy praz prodaž śpiecyjalnych hulniavych naboraŭ
U Rasii zadumali ajčynnuju viersiju videahulni The Sims 4. Sa skrepami
