BiełAES u Astravieckim rajonie. Fota: «Naša Niva»
Ale całkam imavierna, što punkt pachavańnia radyjeaktyŭnych adkidaŭ BiełAES mohuć pabudavać u zonie adčužeńnia Čarnobylskaj AES. Pra heta paviedamiŭ namieśnik hałoŭnaha inžyniera biaśpieki i nadziejnaści BiełAES Lavon Aviecisian padčas hramadskich słuchańniaŭ pierad vydačaj licenzii na ekspłuatacyju druhoha enierhabłoka 8 vieraśnia ŭ Astraŭcy, piša smartpress.by.
Pavodle jaho słoŭ, u adpaviednaści sa stratehijaj abychodžańnia z radyjeaktyŭnymi adkidami (RAT) praduhledžana raspracoŭka prajekta miesca pachavańnia RAT.
«Ciapier praca viadziecca. Siarod ich byli i biełaruskija arhanizacyi pa prajektavańni hetaha budynka. U pieršuju čarhu heta zbudavańnie, hatovaje ŭ 2030 hodzie pryniać radyjeaktyŭnyja adkidy Biełaruskaj AES. Razhladajucca ŭ prajekcie miescy, zaražanyja paśla katastrofy na Čarnobylskaj AES. Ciapier našy śpiecyjalisty pieryjadyčna rajacca ŭ Minsku. Heta značyć, pytańnie pad kantrolem», — skazaŭ Aviecisian.
Namieśnik ministra enierhietyki Biełarusi Michaił Michadziuk dadaŭ, što biełaruskija śpiecyjalisty, u tym liku ź Dziaržatamnahladu, Ministerstva enierhietyki, Akademii navuk supracoŭničajuć z rasijskimi kalehami ŭ hetym pytańni.
«U jakaści placoŭki dla raźmiaščeńnia my siońnia razhladajem usiu Respubliku Biełaruś. Možna vyłučyć dva pryjarytetnyja napramki. Heta pablizu asnoŭnaha vytvorcy adkidaŭ i taja zona, jakaja trapiła pad adčužeńnie — Čarnobylskaja zona adčužeńnia.
Siońnia pravodziacca kapitalnyja daśledavańni. Heta značyć, pa tych danych, jakija siońnia jość pa hieałohii, pa siejśmicy, pa mnohich inšych pytańniach. U najbližejšy čas my vyłučym asnoŭnyja punkty <…> paśla čaho budzie stvorana Dziaržaŭnaja kamisija pa vybary placoŭki, i ŭ adpaviednaści z zakanadaŭstvam jana budzie zaćvierdžanaja. Hetaja praca budzie pravodzicca ŭ hetym i nastupnym hodzie», — adznačyŭ jon.
Čytajcie taksama:
«Susied-atamščyk atrymaŭ 7000 rubloŭ». Čym žyvie Astraviec, jaki abahnaŭ Minsk pa siarednim zarobku
«Rasatam» hatovy budavać druhuju AES u Biełarusi
U Biełarusi skaračajucca abjomy spažyvańnia pryrodnaha hazu, u tym liku i praź BiełAES
