Ilustracyjnaje fota. Shannon Fagan / Getty Images
Žančyna pad psieŭdanimam Huań Jue prydumała maštabnuju ašukanskuju schiemu amal na $7 miljonaŭ. Na zabaŭny vypadak źviarnuŭ uvahu devby.io.
Žančyna ŭładkoŭvałasia na pracu ŭ adno miesca i dasyłała ŭ pracoŭnyja čaty fota z hutarak u inšych firmach, śćviardžajučy, što sustrakajecca z klijentami. Atrymlivajučy ŭsio bolš prapanoŭ pa pracy, častku ź ich pieradavała svajmu siabru, jaki płaciŭ za pasłuhi kamisijnyja.
Achviarami ašukancaŭ akazalisia sotni kampanij. U studzieni palicyja raskryła schiemu złamyśnikaŭ.
Da palicejskich źviarnuŭsia hienieralny dyrektar IT-kampanii, jaki daviedaŭsia, što adzin ź jaho supracoŭnikaŭ adnačasova pracuje ŭ inšym miescy. Jon naniaŭ kamandu pradaŭcoŭ z vaśmi čałaviek, adnak paśla troch miesiacaŭ vyprabavalnaha terminu kamanda tak i nie zmahła damahčysia vynikaŭ.
Hiendyrektar zvolniŭ ich, nieŭzabavie lidar hrupy vypadkova padzialiŭsia ŭ pracoŭnym čacie fatahrafijaj ź inšaha miesca pracy. U vyniku pa hetaj spravie byli aryštavanyja 53 čałavieki.
Pracoŭnaje machlarstva stała masavaj prablemaj u Kitai. Pa roznych acenkach, kala 700-800 hrup zajmajucca anałahičnymi schiemami.
