Adna z vulic budzie nasić imia piśmieńnika Ivana Navumienki
Saviet deputataŭ pryniaŭ rašeńnie prysvoić nazvy prajektavanym vulicam na terytoryi ekśpierymientalnaha šmatfunkcyjanalnaha kompleksu «Paŭnočny bierah», piša «Źviazda».
Adna z vulic budzie nasić imia biełaruskaha i savieckaha architektara, zasłužanaha dziejača mastactvaŭ BSSR Iosifa Łanhbarda.
Jašče adna — nazvanaja ŭ honar biełaruskaha i savieckaha architektara, zasłužanaha dziejača mastactvaŭ BSSR Alaksandra Voinava.
Takim ža čynam budzie ŭviekaviečana imia narodnaha mastaka Biełarusi Paŭła Maślenikava. Taksama adna z vulic budzie nasić imia narodnaha mastaka BSSR Vitala Ćvirki, jašče adna — imia biełaruskaha fizika, zasłužanaha dziejača navuki Biełarusi Mikałaja Barysieviča.
Atrymali nazvy i prajektavanyja vulicy staličnaha mikrarajona Paŭnočny.
Adna ź ich budzie nasić imia narodnaha piśmieńnika Biełarusi Ivana Navumienki, jašče adna — imia biełaruskaha muzyčnaha dziejača, narodnaha artysta SSSR Hienadzia Citoviča. U honar hetych vybitnych ludziej nazvanyja taksama dva zavułki. U naźvie vulicy i zavułka ŭviekaviečana imia biełaruskaha mastaka Ivana Chruckaha.
Rašeńnie ŭstupaje ŭ siłu paśla jaho aficyjnaha apublikavańnia.
