Kiler padpilnavaŭ 42-hadovaha kapitana 2-ha ranhu na ranišniaj prabiežcy kala spartkomleksu «Alimp» i čatyry razy streliŭ jamu ŭ śpinu i hrudzi. U vyniku Ržycki pamior na miescy, a zabojcu ŭdałosia ŭciačy.
Vierahodna, kiler daŭno sačyŭ za Ržyckim, viedaŭ jaho maršruty, a taksama śpiecyjalna vybiraŭ miesca, dzie niama kamier nazirańnia. Ciapier supracoŭniki rasijskaj palicyi prahladajuć videa, atrymanyja z pryład na najbližejšych budynkach, ale pakul nijakich začepak nie vyjaŭlena.
Raniej Ržycki taksama kamandavaŭ padvodnaj łodkaj «Krasnadar», a da hetaha — padvodnaj łodkaj «Ałrosa». U Kijevie jaho abvinavačvali ŭ zapusku rakiet «Kalibr» pa terytoryi Ukrainy.
Pavodle infarmacyi kamandavańnia Pavietranych sił USU, mienavita z hetaj padłodki byŭ naniesieny ŭdar pa Vińnicy 14 lipienia 2022 hoda. U vyniku zahinuli 27 čałaviek, u tym liku troje dziaciej, siarod jakich 4-hadovaja dziaŭčynka ź sindromam Daŭna Liza Dźmitryjeva, zabitaja na miescy.
Čytajcie taksama:
Žurnalistam udałosia dakładna acanić straty Rasii padčas poŭnamaštabnaj vajny z Ukrainaj
