Fota: Heinz-Peter Bader / AP
Pra hetuju spravu stała viadoma niekalki dzion tamu, i jana ŭžo vyklikała chvalu abureńnia ŭ krainie, jak piša Bi-bi-si.
Žančyna znachodzicca pad vartaj ź listapada ŭ horadzie Krems, na paŭnočnym zachadzie ad Vieny. Palicyja zatrymała jaje paśla taho, jak rabotnik sacyjalnaj słužby zabiŭ tryvohu.
U palicyju źviarnuŭsia i baćka dziciaci, jaki žyvie asobna ad siamji.
Chłopčyka znajšli ŭ kamatoznym stanie, z tempieraturaj cieła ŭsiaho 26,8°S, jon byŭ blizki da śmierci paśla niekalkich miesiacaŭ katavańniaŭ, pra heta paviedamiŭ Jochan Baŭmšłahier, pradstaŭnik palicyi pravincyi Nižniaja Aŭstryja.
Dzicia terminova dastavili ŭ balnicu, a jaho maci na nastupny dzień aryštavali.
Pa słovach Baŭmšłahiera, žančynu padazrajuć u tym, što jana štodnia pa niekalki razoŭ ablivała chłopčyka chałodnaj vadoj i na niekalki hadzin adčyniała vokny kvatery pry nizkaj tempieratury pavietra.
Jon dadaŭ, što fizična dzicia ŭžo adnaviłasia, ale jaho psichałahičny stan pakidaje žadać lepšaha.
U kancy maja Viarchoŭny sud adchiliŭ skarhu maci na ŭtrymańnie pad vartaj ciaham niekalkich miesiacaŭ.
Čakajecca, što rasśledavańnie praciahniecca da kanca leta, zatym žančynie vystaviać abvinavačvańni.
Čytajcie taksama:
«Jon zaraz sustrakajecca z Boham». U Miłanie raźvitalisia ź Silvia Bierłuskoni
