Tank «Abrams». Fota: Saurabh Das / AP
Kala 200 vajskoŭcaŭ — prykładna adzin braniatankavy bataljon — u piatnicu pačali navučańnie na palihonach u Hrafienviory i Choenfielsie, piša «Jeŭrapiejskaja praŭda».
Navučańnie achoplivaje asnoŭnyja sałdackija zadačy, jak trapnaja stralba i miedycynskija navyki, a taksama navučańnie na ŭzroŭni ŭzvoda i roty i ŭ kančatkovym vyniku bolš bujnyja vučeńni z udziełam bataljonnych padraździaleńniaŭ, jakija supraćstajać adzin adnamu.
Sa słoŭ pałkoŭnika Harna, astatnija 200 ukrainskich vajskoŭcaŭ pačali navučańnie, jak zapraŭlać i absłuhoŭvać tanki.
Pradstaŭniki Ministerstva abarony raniej zajaŭlali, što kala 31 tanka budzie adpraŭlena ŭ Niamieččynu dla vykarystańnia ŭ prahramie padrychtoŭki ŭkrainskich vojskaŭ, jakaja, jak čakajecca, praciahniecca ad 10 da 12 tydniaŭ. Bajazdolnyja tanki mohuć źjavicca na palach bitvaŭ va Ukrainie da vosieni, zajavili čynoŭniki.
Pačatak navučańnia na tankach pad kiraŭnictvam 7-ha armiejskaha navučalnaha kamandavańnia adbyŭsia praz tydzień paśla taho, jak prezident Bajden paviedamiŭ sajuźnikam ZŠA, što jon dazvolić ukrainskim piłotam prajści navučańnie na amierykanskich źniščalnikach F-16.
Čytajcie taksama:
Załužny: Pryjšoŭ čas viartać svajo
Tanki Abrams Ukraina atrymaje ŭ pačatku vosieni
Vučeńni ŭkrainskich vajskoŭcaŭ na tankach Abrams pačnucca na nastupnym tydni — Pientahon
