Čarhovy matč rehularnaha pieršynstva KCHŁ praviało minskaje «Dynama». Da kamandy Hlena Chenłana pryjechaŭ «Amur» z Chabaraŭska.
Supiernik źjaŭlajecca aŭtsajderam uschodniaj kanfierencyi. U «Dynama» ž była trochmatčavaja vyjhryšnaja sieryja.
Minčanie ŭpeŭniena pačali hulniu. Užo na treciaj chvilinie Andrej Michaloŭ realizavaŭ kolkasnuju bolšaść. Chto b tady padumaŭ, što hetaja šajba stanie adzinaj u sustrečy dla haspadaroŭ.
Chabaraŭcy razmačyli Andreja Miezina namahańniami biełarusa Viktara Kaściučonka, jaki vynikova adpasavaŭ Alaksieju Kapiejkinu. A na samym skančeńni pieršaha pieryjadu Alaksandr Krysanaŭ vyvieŭ haściej napierad.
Druhi pieryjad i pačatak treciaha prachodzili pry pastajannych atakach «Dynama», ale zabić jany nijak nie mahli. U kancy sustrečy biełarusy pačali adkryvacca i atrymali jašče dźvie šajby — 1:4.
Ciapier minskaje «Dynama» z 20 punktami ŭ 15 hulniach zajmaje dzieviataje miesca ŭ Zachodniaj kanfierencyi. Nastupnuju hulniu minčanie praviaduć u čaćvier doma z navakuźnieckim «Mietałurham».