U 2022 hodzie praca Kanhresa budzie adbyvacca pa 13 daśledčych kirunkach, jakija ŭklučajuć usie asnoŭnyja sacyjalnyja i humanitarnyja dyscypliny: historyja, mižnarodnyja adnosiny i palitałohija, sacyjałohija, linhvistyka, litaraturaznaŭstva i inšyja.
Kanhres — samaja pradstaŭničaja štohadovaja akademičnaja i ekśpiertnaja padzieja Biełarusi, u pracy jakoj prymajuć udzieł usie asnoŭnyja intelektualnyja centry daśledavańnia hramadstva, palityki i kultury Biełarusi.
Dla taho, kab pryniać udzieł u Kanhresie ŭ jakaści vystupoŭcy nieabchodna zapoŭnić ANŁAJN-FORMU i pradstavić tezisy pamieram 2-4 tys. znakaŭ. Dedłajn — 15 maja 2022 hoda.
Dla ŭdziełu ŭ Kanhresie dazvalajecca zapaŭnieńnie tolki adnoj zajaŭki, vystupać z dvuma dakładami niemahčyma.
U znak padtrymki Ukrainy, jakaja hieraična supraciŭlajecca rasijskaj vajskovaj ahresii, usie udzielniki z Ukrainy i ŭkraincy, jakija z-za vajny vymušanyja byli pakinuć svaju krainu, vyzvalajucca ad apłaty rehistracyjnaha ŭniosku.
Ad uniosku taksama vyzvalajucca ŭdzielniki ź Biełarusi i biełarusy, jakija paciarpieli ad vajny va Ukrainie ci palityčna matyvavanych represij u Biełarusi, jak i tyja, chto zaniaŭ pryncypovuju pazicyju pa hetych pytańniach.
Zbor zajavak na ŭdzieł u Kanhresie haściej i žurnalistaŭ, a taksama na arhanizacyju prezientacyj navukovych, kulturnych, vydavieckich prajektaŭ i h.d. budzie abjaŭleny paźniej.