Pra heta infarmuje DW.
Rasijskija vojski padčas vajennaha ŭvarvańnia va Ukrainu sutyknulisia z bolš mocnym, čym čakali, supracivam ukrainskaha boku. Ab hetym vysokapastaŭleny pradstaŭnik ministerstva abarony ZŠA zajaviŭ na bryfinhu ŭ subotu, 26 lutaha.
Peŭnyja prykmiety «ŭkazvajuć na razdražnieńnie rasijskaha boku tym, što jamu na praciahu apošnich 24 hadzin nie ŭdałosia rušyć napierad, asabliva ŭ paŭnočnych rajonach Ukrainy», — dadaŭ jon.
Rasija pakul nie dasiahnuła pieravahi ŭ pavietry, ličać u Pientahonie. Ukrainskija srodki supraćpavietranaj abarony, u tym liku avijacyja, praciahvajuć dziejničać, błakujučy dostup rasijskim samalotam u roznych rajonach krainy, adznačyli ŭ amierykanskim viedamstvie.
Pavodle jaho acenki, na ŭkrainskaj terytoryi prysutničaje bolš za 50 pracentaŭ rasijskich sił, jakija ściahvalisia da miežaŭ Ukrainy na praciahu apošnich miesiacaŭ.
