Fota: Alexander Zemlianichenko Jr, AP
«Dziaržaŭny departamient rekamienduje hramadzianam ZŠA nie jeździć u Biełaruś i nastojliva zaklikaje hramadzian ZŠA, jakija znachodziacca ŭ Biełarusi, nieadkładna pakinuć krainu», — havorycca ŭ dakumiencie.
Amierykanskich hramadzian papiaredzili, što ŭ suviazi z vajnoj va Ukrainie «nazirajecca padvyšanaja napružanaść u rehijonie, situacyja niepradkazalnaja, a režym pracy Mienskaha aeraporta i suchaputnaj miažy Biełarusi mohuć źmianicca biez paviedamleńnia».
U Dziarždepie taksama zaklikali hramadzian ZŠA paźbiahać publičnych demanstracyj, «pakolki mahčymyja patencyjnyja pieraśledy, nakiravanyja kankretna suprać zamiežnikaŭ».
Mahčymaści ŭrada ZŠA pa akazańni płanavych abo nieadkładnych pasłuh hramadzianam ZŠA ŭ Biełarusi mocna abmiežavanyja z-za abmiežavańniaŭ ŭrada hetaj krainy ŭ dačynieńni da štatnaha raskładu amierykanskaj ambasady, adznačajecca ŭ dakumiencie.