Fota: Michael Sohn, AP
UEFA choča razarvać partniorstva z «Hazpramam» i šukaje varyjanty jaho spynieńnia, piša Financial Times.
Pa słovach krynicy, łahatyp «Hazprama» bolš nie budzie adlustroŭvacca, kali ŭ nastupnym miesiacy adnoviacca matčy Lihi čempijonaŭ. Partniorstva «Hazprama» z UEFA pačałosia ŭ 2012 hodzie.
Pavodle acenki daśledčaj hrupy SportBusiness Sponsorship, ździełka prynosiła UEFA kala 40 młn jeŭra za siezon z 2018 pa 2021 hod. «Hazpram» ad kamientaroŭ admoviŭsia.
Raniej UEFA pieraniesła finał Lihi čempijonaŭ z Sankt-Pieciarburha ŭ Paryž paśla ŭmiašańnia prezidenta Francyi Emanuela Makrona. Jon paćvierdziŭ, što stadyjon «Stad de Frans» u Paryžy ciapier budzie prymać mierapryjemstva 28 maja.
Taksama ŭ piatnicu «Mančester Junajted» spyniŭ partniorstva z rasijskaj avijakampanijaj «Aerafłot».
Niamiecki futbolny kłub FC Schalke 04 zajaviŭ u čaćvier, što prybiare łahatyp «Hazproma» sa svaich futbołak.
Formuła-1, honačnaja sieryja, jakaja naležyć amierykanskaj hrupie Liberty Media, u piatnicu admianiła budučuju honku ŭ Rasii, zajaviŭšy, što «niemahčyma pravieści Hran-Pry ŭ Rasii ŭ ciapierašnich abstavinach».
