Dziaŭčyna ciažka paranienaja i ciapier znachodzicca ŭ balnicy ŭ Zambii. U jaje mocna paškodžanaja halonka i pravaja stupnia i vyvichnutaje ściahno. Jak tolki budzie mahčyma, jaje pieraviazuć u Vialikabrytaniju.
Jaje psichałahičny stan stabilny, ale dziaŭčynu mučać uspaminy pra pieražytaje i kašmary.
«Kažuć, što ŭ takija momanty ŭsio žyćcio pralataje ŭ čałavieka pierad vačyma. U mianie ŭsio było zusim nie tak. Ja prosta dumała, jak mnie vybracca z hetaj situacyi? Moj mozh lichamankava šukaŭ vychad. I mnie vielmi, vielmi pašancavała», — raspaviała Amieli ŭ videa, jakoje było zapisanaje ŭ balnicy.
Baćka dziaŭčyny Brent Osbarn-Śmit udziačny siabram Amieli, jakija dziejničali chutka i zrabili ŭsio mahčymaje, kab vyratavać jaje z paščy krakadziła.
Niahledziačy na pieražytaje, Amieli kaža, što nie źbirajecca pakidać svajo chobi i jašče vierniecca ŭ Zambiju.
«Ja zrazumieła, što žyćcio moža skončycca raptoŭna. Hučyć banalna, ale kali žyć, bajučysia ŭsiaho, to jakoje ž heta žyćcio? Ja budu žyć jak raniej i nie dazvolu hetamu kašmaru spynić mianie», — kaža dziaŭčyna.
Arhanizatar spłavu Bundu Rafting zajaviŭ, što padobny incydent — pieršy ŭ historyi kampanii.
