Fota depositphotos.com.
Dźvie žycharki Kalifornii naradzili i niekatory čas vychoŭvali dziaciej adna adnoj. Błytanina zdaryłasia padčas pracedury EKA ŭ klinicy apładnieńnia, kudy źviarnulisia abiedźvie amierykanki.
Adna z hetych žančyn, Dafna Kardynale, śćviardžaje, što i jana, i jaje muž pačali padazravać padmienu adrazu paśla taho, jak ich dzicia naradziłasia. Tady, u vieraśni 2019 hoda, jany zaŭvažyli, što dziaŭčynka maje zanadta ciomny koler skury, piša Guardian.
Supruhi vyrašyli nie źviartać na heta ŭvahi, bo daviarali miedykam i palubili novanarodžanaje dzicia. Adnak paźniej vyśvietliłasia, što padčas pracedury EKA Dafnie pamyłkova impłantavali embryjon ad inšaj pary. Inšaja žančyna, u svaju čarhu, atrymała embryjon bijałahičnaha dziciaci siamji Kardynale.
Test DNK paćvierdziŭ pamyłku, i ŭ studzieni 2020 hoda dziaciej viarnuli ich baćkam. Abiedźvie siamji žadajuć u dalejšym padtrymlivać siabroŭskija adnosiny, bo paśpieli palubić dziaciej, jakich vychoŭvali.
Siamja Kardynale i druhaja para ŭžo padali pazoŭ da kliniki apładnieńnia.
Vypadki nakštałt hetaha zdarajucca duža redka, ale ž jany nie biesprecedentnyja. Naprykład, u 2019 hodzie inšaja kalifarnijskaja para padała pazoŭ da kliniki apładnieńnia, dzie ich embryjon nibyta impłantavali ŭ arhanizm žycharki Ńju-Jorka.
Ci varta vakcynavać svaich 5-hadovych dziaciej?
