«Ciapier etap uzhadnieńnia, kahości mohuć dadać, kahości vyklučyć sa śpisa, — havoryć Franak Viačorka. — 5-y pakiet — adkaz na mihracyjny kryzis. Jašče tydzień tamu płanavałasia adkłaści sankcyi na śniežań, ale ministry vyrašyli nie čakać.
Pad sankcyi mohuć trapić «Biełavija» i kampanii, jakija absłuhoŭvajuć dastaŭku mihrantaŭ. Stała viadoma, što rejsy ź Iraka i inšych krain buduć ciapier prymać nie tolki ŭ Minskim aeraporcie, ale taksama ŭ rehijonach».
Jak paviedamlaŭ na pačatku listapada karespandent «Radyjo Svaboda» Rykard Juźviak, pad sankcyi trapiać asoby, adkaznyja za arhanizacyju ci dapamohu biełaruskim uładam u arhanizacyi nielehalnaj mihracyi ŭ krainy ES. U śpis taksama mohuć patrapić jašče try bujnyja banki.
Čakajecca, što piaty pakiet sankcyj moža być abvieščany da siaredziny listapada.