Fota z sajta škoły
«Z takoj prośbaj baćki źviartalisia. Spačatku kalektyŭnuju zajavu padavali ŭ rajvykankam — tam admovili. Paśla ŭ Ministerstva adukacyi. U nas šmat dziaciej śviataroŭ, pryjezdžych. Naprykład, u horadzie jany chadzili ŭ ruskamoŭnuju škołu i ciapier im składana pieravučvacca, baćki pa-rusku razmaŭlajuć, a ŭ siamji 5-6 dziaciej.
Viedajecie, kali b možna było praciahvać adukacyju pa-biełarusku va ŭniviersitecie, heta było b dadatkovym arhumientam, a tak usio skančvajeccca na etapie siaredniaj škoły», — tłumačyć dyrektarka Taćciana Juchnik.
Heta była čaćviortaja zajava ad baćkoŭ. Viadoma, što rajvykankam raniej vystupaŭ suprać źmieny movy navučańnia. Ale pytańnie vyrašyła staršynia Savieta Respubliki Natalla Kačanava — padčas jaje vizitu ŭ Žyrovičy ŭ červieni śviatary prasili pasadziejničać.
Dla kalektyvu škoły pieravod na ruskuju movu staŭ šokam.
U Žyrovickaj škole vučycca bolš za 200 dziaciej, što dla vioski dobry pakazčyk. Jaje admietnaść — duchoŭna-maralnaje vychavańnie ŭ pravasłaŭnych tradycyjach (u takim kirunku ŭstanova pracuje z 2007 hoda).
