U 2015 hodzie žančyna stvaryła adkryty YouTube-kanał, u jakim vykładvała zabaŭlalnyja roliki sa svaim udziełam. U jaje nabrałasia kala 1 tysiačy padpisčykaŭ, administrataram kanała źjaŭlałasia tolki jana.
U lutym hetaha hoda ŭ minčanki sapsavalisia adnosiny z rodnaj siastroj, jakaja pražyvaje ŭ Hrodzienskaj vobłaści i źjaŭlajecca apiekunom ich maci. Praz svoj YouTube-kanał jana stała raspaviadać, što svajačka źjaŭlajecca darmajedkaj, pazbaviła maci žylla, nie zabiaśpiečvaje joj narmalny dohlad, daje chabar daktaram i čynoŭnikam. Hetaja infarmacyja nie adpaviadała rečaisnaści.
Sud pryznačyŭ minčancy pakarańnie ŭ vyhladzie štrafu ŭ pamiery 60 bazavych vieličyń (1740 rubloŭ), a taksama kanfiskavaŭ jaje mabilny telefon i noŭtbuk jak srodki ździajśnieńnia złačynstva. Akramia taho, hramadzianku abaviazali vypłacić siastry 700 rubloŭ u jakaści kampiensacyi naniesienaj maralnaj škody i jašče 250 rubloŭ, vydatkavanych na jurydyčnyja pasłuhi.
