«Siońnia zaviaršaje pracu piataja siesija Savieta Respubliki Nacyjanalnaha schodu Respubliki Biełaruś siomaha sklikańnia. U hety pieryjad naša kraina pa-raniejšamu praciahvaje padviarhacca nieprykrytamu ekanamičnamu i palityčnamu cisku, metanakiravanamu ŭmiašańniu va ŭnutranyja spravy. Vidavočna, što nie ŭsich u śviecie zadavalniaje stabilnaść i spakoj u respublicy, naša miralubnaja źniešniaja palityka, status donara biaśpieki i pieramoŭnaj placoŭki», — skazała Natalla Kačanava.
Pavodle jaje słoŭ, dziejańni kalektyŭnaha Zachadu, nakiravanyja pierš za ŭsio na destabilizacyju situacyi ŭ Biełarusi, złom dziaržaŭnych asnoŭ, uviadzieńnie novych ekanamičnych sankcyj u dačynieńni da krainy, padryvajuć asnovy mižnarodnaha prava.
«Heta ich histaryčnaja pamyłka, za nastupstvy jakoj daviadziecca raspłačvacca jeŭrapiejskamu rehijonu. Jany stvarajuć pahrozu dla biaśpieki ŭsiaho śvietu», — adznačyła śpikier.
