Prezident Ukrainy Uładzimir Zialenski raspavioŭ, jak prasiŭ Alaksandra Łukašenku vydać Ukrainie bajevikoŭ-vahnieraŭcaŭ, adnak toj hetaha nie zrabiŭ. Pra heta jon zajaviŭ u intervju dla prahramy «VIP z Natalijeiu Mosiejčuk».
«Apošni raz my razmaŭlali ź im pa telefonie. Kali vahnieraŭcy byli na terytoryi Biełarusi, ja patelefanavaŭ Alaksandru Ryhoraviču, ja paprasiŭ jaho, ja jaho papiaredziŭ, što hatovy pieradać jamu ŭsiu infarmacyju adnosna hetych ludziej, tam byli proźviščy, my razumieli, chto heta takija. Tym nie mienš jon skazaŭ mnie pa telefonie: «Ja razumieju, darahi Uładzimir Alaksandravič, ja nie padviadu, usio budzie narmalna, ja raźbiarusia». Ja byŭ upeŭnieny, što jon pieradaść nam hetych zabojcaŭ. Ale potym adbyłosia toje, što adbyłosia. Heta była apošniaja naša ź im hutarka», — skazaŭ Zialenski.
Ułady Biełarusi zajavili pra zatrymańnie 33 rasijskich bajevikoŭ-vahnieraŭcaŭ
Ukrainskija śpiecsłužby: My rychtavali apieracyju pa zatrymańni bajevikoŭ Vahniera
Parašenka ŭziaŭ na siabie adkaznaść za apieracyju pa zatrymańni «vahnieraŭcaŭ» u Biełarusi
