Skrynšot videa
Apieratyŭnikam paviedamili, što 32-hadovy mužčyna pierastaŭ vychodzić na suviaź. Milicyja šukała jaho ŭ suviazi z rasśledavańniem kradziažu majomaści z kvatery. Tam mužčyna prachodziŭ jak paciarpieły, paviedamlaje «Rehijanalnaja hazieta» sa spasyłkaj na UUS Minabłvykankama.
— Milicyjaniery prybyli da mužčyny, ale dźviery im nichto nie adčyniŭ. Kali pryjšli siudy krychu paźniej, zapadozryli, što ŭ kvatery niechta jość. Z-za ŭvachodnych dźviarej jany pačuli mužčynski hołas.
Haspadar rastłumačyŭ, što zhubiŭ kluč i nie moža vyjści sa svajho žytła, a kvateru zvonku vypadkova zamknuła jaho maci. Źviazacca ź joj było nielha, bo mabilnaha telefona pry sabie mužčyna nie mieŭ.
Vybracca z zamknionaj kvatery jon tak i nie zmoh i bolš za piać dzion znachodziŭsia bieź ježy i vady, jakaja była adklučanaja.
Milicyjaniery vyklikali MNS. Ratavalniki pastavili avaryjnuju leśvicu i dapamahli vybracca mužčynu na vulicu praz akno druhoha paviercha. Paciarpiełamu dali vady i nakarmili, jaho stan narmalizavaŭsia. Taksama jamu svoječasova dapamahli miedyki.
