Fota pixabay.com.
Chutka ludzi, jakija pakutujuć na depresiju, zdolejuć atrymać niezvyčajnaje lačeńnie. Jak śćviardžajuć raspracoŭščyki novaha preparata, jon zasnavany na raspaŭsiudžanym raślinnym rečyvie dzimieciłtryptamin, jakoje maje psichadeličny efiekt.
Padčas pieršaj fazy ispytaŭ, jakaja pačałasia ŭ studzieni, preparat atrymlivajuć ludzi biez dyjahnazu «depresija», jakija raniej nie ŭžyvali mocnadziejnyja rečyvy. Heta daść vučonym mahčymaść daśledavać upłyŭ rečyva na mozh. Kali ispyty projduć paśpiachova, miedyki pačnuć daśledavać roznyja stratehii prymianieńnia preparata i, narešcie, pačnuć davać preparat ludziam z depresijaj, piša Daily Mail.
Pryncyp pracy preparata nastupny. Jon uvodzić pacyjenta ŭ źmienieny stan prytomnaści, padčas jakoha «razburajucca» mientalnyja błoki — stereatypnyja typy pavodzin, ad jakich vielmi ciažka pazbavicca. Paśla takoho lačeńnia patrebnaje adnaŭleńnie z dapamohaj psichaterapii.
Piter Rends, kiraŭnik brytanskaj kampanii Small Pharma, jakaja pravodzić ispyty, śćviardžaje, što preparat moža dapamahčy ludziam, z chvarobaj jakich nie spraŭlajucca viadomyja zaraz leki. Kali ŭsio projdzie paśpiachova, dazvoł na prymianieńnie preparata źjavicca na praciahu šaści hod.
Płanujecca, što leki buduć uvodzić na praciahu hadzinnaj siesii ŭ psichaterapieŭta. Pierad hetym projdzie padrychtoŭčaja siesija, padčas jakoj pacyjentu patłumačać, na što budzie padobny stan źmienienaj prytomnaści. Mozh pavinien być padrychtavany dla hetaha vopyta, inakš usio nie spracuje tak, jak treba.
Paśla hetaha pacyjent atrymaje preparat i mozh apyniecca ŭ stanie źmienienaj prytomnaści, što zrobić jaho bolš padatlivym da terapii i dazvolić zmahacca z tajemnymi pryčynami depresii. Pakul nieviadoma, kolki siesij spatrebicca dla poŭnaha vylačeńnia.
