20 červienia ASVOD, RAUS i RANS Vilejščyny pravodzili rejd pa kiempinhach Vilejskaha vadaschovišča. U niejki momant ubačyli dvaich dziaciej ŭ centry vadaschovišča na nadzimanym matracy, piša «Rehijanalnaja hazieta».
— Pasprabavali znajści baćkoŭ, potym pajechali na svajoj łodcy da dziaciej. Ich užo ciahnuŭ da bieraha rybak, prymacavaŭšy matrac ź dziećmi da łodki. Dzieci byli biez kamizelek, rybak taksama. My zabrali dziaciej na svaju łodku, advieźli ich na bierah i pieradali baćkam, — raskazała staršynia Vilejskaj rajonnaj arhanizacyi ASVOD Alena Hrakovič.
Jak vyśvietliłasia, 14-hadovyja chłopčyki pryjechali ź Minska z baćkami adpačyvać na kiempinh. Paśla vyrašyli papłavać na matracy. U vyniku ciačeńnie paniesła ich da supraćlehłaha bieraha. Z baćkami ratavalniki praviali prafiłaktyčnuju hutarku.
Alena Hrakovič adznačyła, što matrac nie źjaŭlajecca srodkam dla płavańnia. Na im možna zaharać na bierazie abo kala samaha bieraha.
— U hetyja vychadnyja vadaschovišča było prosta ŭsypanaje matracami, — adznačaje Alena Hrakovič. — Kaniečnie, kali na ich adpačyvajuć na bierazie ci kala jaho, my asabliva zaŭvah nie robim. Kali ž bačym parušeńnie, abaviazkova papiaredžvajem, pravodzim hutarku.