Ministr źviarnuŭ uvahu, što na stvareńnie efiektyŭnaj sistemy terytaryjalnaj abarony syšło kala 20 hadoŭ. «Było niaprosta ŭvieś miechanizm adładzić, pačynajučy ad orhanaŭ zabieśpiačeńnia, orhanaŭ kiravańnia, zabieśpiačeńnia zbrojaj, bojeprypasami, — adznačyŭ jon. — Na siońniašni dzień niama takoha rajona, dzie b nie była stvorana adpaviednaja materyjalnaja baza, i ja ab hetym dałažyŭ prezidentu. Ciapier navat nie źviartajucca da Uzbrojenych Sił. Jość svaje miescy raźmiaščeńnia, adładžany miechanizm atrymańnia i materyjalnych srodkaŭ, i zbroi, praviadzieńnia zładžvańnia padraździaleńniaŭ terytaryjalnaj abarony i etapu praktyčnaha vykanańnia zadač».
«Samaje charakternaje — staŭleńnie ludziej da hetych pytańniaŭ. Ja nie čuŭ, kab niechta paskardziŭsia abo skazaŭ «Nie chaču», «Nie budu vykonvać zadačy». Naadvarot, ludzi iduć z žadańniem, u ich harać vočy, jany razumiejuć, što buduć abaraniać svaich rodnych i blizkich, svoj kavałačak ziamli, a ŭ cełym — našu respubliku», — padkreśliŭ Viktar Chrenin.
Pavodle jaho słoŭ, adna z zadač terytaryjalnaj abarony — baraćba ź niezakonnymi ŭzbrojenymi farmiravańniami i dyviersijna-raźviedvalnymi hrupami. «Heta važna, tamu što na hetyja zadačy nie buduć adciahvacca rehularnyja Uzbrojenyja Siły», — rastłumačyŭ ministr.
