Pra heta paviedamiŭ u subotu telekanał NBC sa spasyłkaj na krynicy, piša TASS.
«Sa słoŭ asoby, painfarmavanaj ab pracesie płanavańnia, dla Biełaha doma klučavoj zadačaj pavodle vynikaŭ zapłanavanaj na sieradu sustrečy budzie dać zrazumieć, što Bajden daŭ žorstki sihnał Pucinu, u adroźnieńnie ad tych siabroŭskich stasunkaŭ, jakija prademanstravaŭ papiaredni prezident Donald Tramp paśla jahonaj pieršaj sustrečy z Pucinym», — havorycca ŭ materyjale. Pavodle źviestak telekanała, u Biełym domie spadziajucca, što pryjezd Bajdena na samit u Ženievie paśla «niekalkich dzion sustreč z najbližejšymi amierykanskimi chaŭruśnikami» pavinien pakazać Maskvie najaŭnaść «adzinaha frontu» ŭ supraćdziejańni rasijskamu boku.
Jak udakładniajecca ŭ materyjale, «supracoŭniki Biełaha doma zajavili, što buduć sustrečy Bajdena i Pucina ŭ bolš šyrokim i bolš vuzkim farmatach». Hetyja supracoŭniki «nie ŭkazali, što budzie sustreča adzin na adzin, padčas jakoj u pakoi nie budzie pamočnikaŭ i daradcaŭ nivodnaha ź lidaraŭ». U subotu pradstaŭniki Biełaha doma zajavili, što Bajden praviadzie asobnuju pres-kanfierencyju paśla sustrečy z Pucinym.
Pucin i Bajden sustrenucca ŭ Ženievie 16 červienia. Heta budzie pieršy rasijska-amierykanski samit z času sustrečy Pucina z Trampam u Chielsinki ŭ lipieni 2018 hoda. Tady lidary razmaŭlali sam-nasam krychu bolš za dźvie hadziny, zatym da ich dałučylisia členy delehacyj. Prezidenty abmierkavali pytańni dvuchbakovych i mižnarodnych adnosin, a pa vynikach samitu abodva lidary adznačyli, što zrobleny vialiki krok napierad.
