Tesla
Kampanija Tesla prezientavała novuju viersiju abnoŭlenaha elektrakara Model S pad nazvaj Plaid. Pieršyja ekzemplary ŭžo adpraŭlenyja klijentam. Košt startuje ad $129 990, piša RBK.
Mašyna maje adrazu try elektryčnyja matory. Sumarnaja mahutnaść aŭtamabila — 1020 konskich sił. Razhon da sotni zajmaje ŭ elektrakara ŭsiaho 2 siekundy. Maksimalnaja chutkaść — 321 km u hadzinu.
Zapas chodu ŭ liftbeka składaje 627 kiłamietraŭ. Papoŭnić zarad batarej na 300 km šlachu možna za 15 chvilin.
Liftbek Model S, jaki staŭ na kanviejer u 2012 hodzie i vypuskajecca pa hety dzień, pieražyŭ prahramu abnaŭleńnia ŭ kancy studzienia 2021 hoda. Identyčnyja źmieny atrymaŭ i krasovier Model X. Hałoŭnyja źmieny adbylisia ŭ sałonie mašyny. Abnoŭleny elektrakar atrymaŭ 17-calevy dysplej 2200×1300. Dziakujučy mahutnamu bartavomu kampjutaru na ekranie možna pahulać u bolšaść sučasnych hulniaŭ.
