Urad Biełarusi vyrašyŭ začynić svajo pasolstva ŭ Kanadzie — jano spynić pracu z 1 vieraśnia. Pra heta havorycca ŭ zajavie, apublikavanaj na sajcie biełaruskaha pasolstva ŭ Kanadzie.
«Savietam Ministraŭ Respubliki Biełaruś pryniata rašeńnie ab zakryćci pasolstva Respubliki Biełaruś u Kanadzie. Pasolstva spynić svaju pracu z 1 vieraśnia 2021 hoda. Hramadzianie Biełarusi, jakija pražyvajuć u Kanadzie, paśla zakryćcia ambasady zmohuć źviartacca pa ździajśnieńnie konsulskich dziejańniaŭ u Hienieralnaje konsulstva Respubliki Biełaruś u Ńju-Jorku, ZŠA», — havorycca ŭ zajavie.
Pasolstva Biełarusi ŭ Kanadzie raźmieščana ŭ Atavie.
U pačatku krasavika ministr zamiežnych spraŭ Uładzimir Makiej zajaviŭ, što Biełaruś zakryje pasolstva jak minimum «ŭ niekalkich krainach śvietu».
