Bajavaja avijacyja izrailskaj armii ŭ noč ź niadzieli na paniadziełak naniesła ŭdary pa dzieviaci damach, jakija naležać vysokapastaŭlenym kamandziram ruchu CHAMAS, paviedamlajuć infarmahienctvy.
Adznačajecca, što, u pryvatnaści, byli atakavanyja damy kamandzira bataljona Biejt-Chanun, kamandzira roty Biejt-Chanun, kamandzira roty Hazy i kamandzira roty, jakaja ŭvachodzić u skład bataljona Al-Šaci.
Pavodle zajavy vajskoŭcaŭ, niekatoryja damy vykarystoŭvalisia dla zachoŭvańnia zbroi.
Ad 10 maja pamiž paleścinskimi radykalnymi hrupoŭkami ŭ siektary Haza i izrailskaj armijaj praciahvajucca abmieny rakietnymi ŭdarami. Jany pačalisia ŭśled za biesparadkami ŭ miačeci Al-Aksa va Uschodnim Ijerusalimie, jakija ŭspychnuli z-za rašeńnia Izrailskaha suda ab kanfiskacyi damoŭ u kvartale Šejch-Džarach u arabskich siemjaŭ. Pavodle apošnich źviestak, ź izrailskaha boku zahinuli nie mienš za 10 čałaviek, z paleścinskaha — bolš za 210.