Fota Hrodzienskaj milicyi
Na kapocie ŭ jaho była «Pahonia», a źvierchu jon nanios dźvie biełyja pałoski.
«Uličvajučy, što padobnaja simvolika vykarystoŭvajecca pry praviadzieńni niesankcyjanavanych masavych mierapryjemstvaŭ, a taksama kankretnyja abstaviny ŭ dadzienaj situacyi (jaho dziejańni rascenienyja jak pikiet) u dačynieńni da mužčyny, byŭ składzieny administracyjny pratakoł za parušeńnie paradku arhanizacyi abo praviadzieńnia masavych mierapryjemstvaŭ», — tady paviedamlała pres-słužba UUS.
Chłopca aryštavali na siem sutak, a mašynu, jak pryładu ździajśnieńnia pravaparušeńnia, kanfiskavali.
Adnak Hrodzienski abłasny sud admianiŭ punkt ab kanfiskacyi aŭto, paviedamlaje autogrodno.by.
Adznačym, što ŭ internecie mnohich kamientataraŭ adrazu ździviła rašeńnie pieršaha suda, bo artykuł 24.23, pa jakim sudzili mužčynu, nie praduhledžvaje pakarańnia ŭ vyhladzie kanfiskacyi pryłady ździajśnieńnia pravaparušeńnia.