U 1985 hodzie Lihačoŭ padtrymaŭ kandydaturu Michaiła Harbačova na vybarach hieneralnaha sakratara CK KPSS, zajaviŭšy, što jahonaje «vyłučeńnie vykliča pačućcie honaru ŭ našym narodzie, uzdymie aŭtarytet Palitbiuro CK KPSS». Paźniej jon spryjaŭ pieravodu ŭ Maskvu pieršaha sakratara Śviardłoŭskaha abkamu KPSS Barysa Jelcyna (potym pra heta škadavaŭ).
U 1985 Lihačoŭ uvajšoŭ u skład najvyšejšaha palityčnaha kiraŭnictva SSSR — Palitbiuro CK KPSS. Da 1988 hodu adkazvaŭ za pytańni idealohii. Faktyčna byŭ druhoj asobaj u partyi paśla hieneralnaha sakratara Michaiła Harbačova.
U 1988-m byŭ adnym z aŭtaraŭ sakretnaha lista, u jakim vykazvaŭ prapanovu «bolš jakasnaha i nadziejnaha hłušeńnia radyjostancyj «Svaboda», «Svabodnaja Eŭropa» i «Hołas Izrailu».
U 1998—2003 byŭ deputatam Dziaržaŭnaj dumy Rasii.
