U kamiunikie kiraŭnikoŭ MZS G7 u tym liku zhadvajecca i Biełaruś. Jany, u pryvatnaści, zaklikajuć Biełaruś pravieści novyja, svabodnyja i spraviadlivyja vybary pad mižnarodnym nazirańniem i ŭstupić u kanstruktyŭny dyjałoh z usimi płastami hramadstva, uklučajučy sapraŭdnych lidaraŭ apazicyi i hramadzianskaj supolnaści.
«Heta standartny nabor zajezdžanych kliše. Takija mantry faktyčna bieź źmienaŭ vandrujuć ź placoŭki na placoŭku, demanstrujučy, na žal, hłybokaje nierazumieńnie i niežadańnie razumieć situacyju ŭ našaj krainie ich aŭtarami, antybiełaruskuju anhažavanaść ich inicyjataraŭ. U rytorycy zrazumieła, adkul źjavilisia ciapier jašče i niejkija «sapraŭdnyja lidary apazicyi». Pryznačyć «sapraŭdnuju ŭładu» ŭžo, vidavočna, nie atrymałasia, tamu možna pasprabavać słaviesna lehitymizavać choć by zručnuju apazicyju», — adznačyŭ pradstaŭnik MZS Hłaz.
Zakliki da praviadzieńnia novych vybaraŭ u Ministerstvie zamiežnych spraŭ nazvali prostym ciskam na krainu.
«My suvierennaja dziaržava, tamu my sami budziem vyrašać, kali i jakija elektaralnyja kampanii pravodzić u svajoj krainie. Dla hetaha nam nie patrebnyja nijakija zakliki, panukańni abo ŭkazańni zvonku. U jakaści jašče adnaho likbiezu nahadaju, što ŭsie vybary ŭ našaj krainie prachodzili pad mižnarodnym nazirańniem. Nu, a kali niejkija mižnarodnyja struktury akazalisia niazdolnyja arhanizavać svaju pracu, majučy naša zaprašeńnie, to nie treba sprabavać pierakłaści vinu», — padkreśliŭ Anatol Hłaz.
