Muzykaŭ abvinavacili ŭ «niesankcyjanavanym pikietavańni praź śpieŭ pieśni «Razbury turmy mury». 23 krasavika ŭ Centralnym sudzie prajšli sudy nad Lizavietaj i Alaksiejem. Sudździa Viktoryja Šabunia aryštavała Pakietavu na 11 sutak, a Alaksiej adbyvaje 25-sutačny aryšt pa rašeńni sudździ Dźmitryja Karsiuka.
Siońnia ŭ sudzie razhledzieli spravu Julii Šabanavaj, jakuju adpuścili ŭ toj dzień z RUUSa, bo ŭ žančyny jość niepaŭnaletnija dzieci.
Pa słovach Julii, u ich jość aficyjny dazvoł, jaki daje prava śpiavać u pierachodzie. Žančyna ździviłasia pryčynie zatrymańnia, bo nie viedaje, dzie ŭziać śpis «zabaronienych» piesień.
U vyniku, sudździa Šabunia pryznała muzyku vinavataj i aštrafavała jaje na 1450 rubloŭ (50 bazavych vieličyniaŭ).