Miadźviedź Artur. Fota Agent Green
Miadźviedzia pa mianušcy Artur zastrelili ŭ sakaviku ŭ achoŭnaj zonie Karpackich hor. Arhanizacyi pa achovie pryrody abvinavačvajuć u hetym prynca Emanuela z karaleŭskaj siamji Lichtenštejna.
Pa źviestkach rumynskaj arhanizacyi Agent Green, prync atrymaŭ dazvoł ad rumynskaha ŭrada na adstreł miadźviedzicy, jakaja nanosiła škodu miascovym fiermam.
Adnak, jak śćviardžajuć aktyvisty, zamiest hetaha prync zabiŭ samca, jaki žyŭ hłyboka ŭ lesie i nikoli nie nabližaŭsia da nasielenych punktaŭ.
Arturu było 17 hadoŭ, i jon źjaŭlaŭsia samym vialikim miadźviedziem u Rumynii i, mahčyma, u Jeŭrasajuzie.
Kali mierkavać pa dakumientach, jakija jość u Agent Green, za zabojstva Artura prync atrymaŭ 592,8 bała z 600 mahčymych — heta rekord u industryi trafiejnaha palavańnia. Jak piša The Guardian, za zdabyču miadźviedzia prync zapłaciŭ siem tysiač jeŭra.
Trafiejnaje palavańnie zabaroniena ŭ Rumynii z 2016 hoda. Ułady tolki zredku dajuć dazvoł na adstreł tych asobin, jakija pahražajuć žyćciu miascovych žycharoŭ.
Pradstaŭniki prynca admaŭlajucca ad kamientaroŭ.
