U vyniku žančyna schapiła nož i ŭdaryła muža ŭ hrudzi, jon pamior.
Padčas papiaredniaha rasśledavańnia abvinavačanaja patłumačyła, što zabiła muža, bo bajałasia za siabie i žyćcio traich dziaciej. Adnak śviedki paviedamili, što vychavańniem dziaciej u bolšaj miery zajmaŭsia mienavita ich baćka, jaki jakoj-niebudź niebiaśpieki dla siamji nie ŭjaŭlaŭ.
Dzieci pieradadzieny pad apieku svajakoŭ zahinułaha mužčyny.
Sud Kastryčnickaha rajona Minska pryznaŭ žančynu vinavataj u zabojstvie. U jakaści pakarańnia sud pryznačyŭ joj pazbaŭleńnie voli terminam na 10 hadoŭ u kałonii ahulnaha režymu.
Prysud nie nabyŭ zakonnuju moc, jon moža być abskardžany.
Adnosiny pamiž mužam i žonkaj na praciahu niekalkich hadoŭ byli vielmi naciahnutymi. Jany nie razvodzilisia, bo stajali na čarzie na budaŭnictva žylla jak šmatdzietnaja siamja — vychoŭvali traich niepaŭnaletnich dziaciej.
31 śniežnia 2020 hoda muž i žonka znoŭ pasvarylisia — z-za kavałka picy, jaki mužčyna zachacieŭ źjeści jašče da pačatku zastolla. Muž daŭ žoncy poŭchu, a taja ŭ adkaz z usioj siły jaho šturchnuła. Zatym žančyna schapiła na kuchni nož i ŭdaryła muža ŭ hrudzi. Toj pamior.
