Fota: MNS
Pavodle apieratyŭnych źviestak Ministerstva pa nadzvyčajnych situacyjach, u vyniku paryvaŭ vietru da 22 m/s paciarpieli dachi 2 žyłych damoŭ i 1 sielskahaspadarčaha budynka ŭ Viciebskaj, Hrodzienskaj i Mahiloŭskaj abłaściach.
Zafiksavanyja 47 vypadkaŭ padzieńnia dreŭ — ź ich 10 u Minsku. U vyniku paškodžanyja 2 lehkavyja aŭtamabili. Paciarpiełych niama.
Pavodle źviestak DVA «Biełenierha», ciaham dnia pieryjadyčna parušałasia elektrazabieśpiačeńnie 330 nasielenych punktaŭ (ź ich 124 u Minskaj, 82 u Hrodzienskaj, 49 u Viciebskaj, 41 u Homielskaj, 20 u Bresckaj i 14 u Mahiloŭskaj abłaściach), 38 sielskahaspadarčych budynkaŭ i 1310 transfarmatarnych padstancyj. Adklučeńni apieratyŭna likvidujucca avaryjnymi bryhadami.
